Վանաձորում պայթուններ չեն եղել․ մարզպետարանից հորդորում են խուճապի չմատնվել
Լոռու մարզպետի աշխատակազմից հայտնում են, որ Վանաձոր քաղաքում տեղի է ունեցել ավիացիոն ուսումնավարժանք, անհանգստանալու կարիք չկա․
«Վանաձոր համայնքի հարգելի՛ բնակիչներ,
շուրջ մեկ ժամ առաջ Վանաձորում պայթյունի նմանվող ձայն է լսվել, որը անհանգստություն է առաջացրել հանրության շրջանում:
Խնդրում և հորդորում ենք խուճապի չմատնվել, քանի որ տեղի է ունեցել ավիացիոն ուսումնավարժանք»,- նշված է հաղորդագրության մեջ։
Նշենք, որ սոցիալական ցանցերում բնակիչները մտահոգություններ էին հայտնել պայթյունի նմանվող ձայների պատճառով։